Victoria

García

Victoria García (Pontevedra, 1985) estudou Xornalismo na Universidade de Santiago de Compostela e a Diplomatura de Educación Primaria na Universidade Rovira i Virgili (Tarragona).

Comezou traballando para diversos xornais (tanto de redactora como de maquetadora), compaxinándoo durante varios anos co estudo da segunda carreira. Ao rematar esta cursou un máster en Sociedades Históricas e Formas Políticas en Europa. Tamén traballou durante un curso como profesora na Universidade Rovira i Virgili.

Actualmente exerce como mestra de Primaria no Morrazo, onde se estableceu en 2015. O seu primeiro libro publicado foi As formiguiñas filandeiras, editado en galego, castelán (Las hormiguitas volanderas) e catalán (Les formiguetes enfiladores).

[Xuño, 2021]