NeeBarros
Nee Barros (2002) é divulgador cultural, escritore e ativista LGBTIQA+
Como divulgador cultural, trabalha em diversas redes sociais baixo o nome de @neeumatiko. Ali recomenda livros em galego, especialmente aqueles com representaçom LGBTIQA+. Também tem um podcast chamado Um T com Nee, onde visibiliza a sua transiçom hormonal com testosterona e explora rituais de passagem de diferentes culturas.
Como escritore, destaca a sua obra de teatro Identidade, sobre a realidade trans. Com ela, tivo a oportunidade de visitar vários centros de ensino para falar das realidades LGBTIQA+. Além disso, escreveu a novela Nom estamos quebrades, que explora a experimentaçom e dúvidas sobre a sexualidade, assim como as vivências de persoas autistas saindo de festa. Nee também coordenou a antologia de relatos LGBTIQA+ Alguén nos lembrará e participou noutros volumes coletivos. Atualmente, trabalha na traduçom para o galego dos seis volumes de Heartstopper, com dous deles já disponíveis nas livrarias.
Como ativista LGBTIQA+ fai pedagogia nas redes sociais, em centros de ensino e no seu dia a dia. Forma parte da associaçom Avante LGBT+ Pontevedra, e crê no poder e na necessidade de tecermos comunidades e criar oportunidades para a conversa. Isto condiciona a sua escrita.
Para falar do Nee, podes usar tanto o género gramatical neutro como o masculino.
[Fevereiro, 2025]
