ALBORECEU MOI TRISTE E NON É TEMPO

Para o mimo cando se queima a chuvia
E un deserto nace en cada palma.
A cidade vella non é senón na pedra.
Vougo na espelunca dos recantos
E as tabernas están cheas de orfandade:
Non hai bocas para o viño
Nin palabra con sal nin porta aberta.
A brétema pesa coma un morto
E as faiscas do mencer son andoriñas loiras.

No arasolis murado da Moureira
Un saxo canta por glenn miller
E duke ellington
Reclama un blues para a putiña nova
Que desce....garrida en Compostela.