Non hai ninguén

Se consegues abrir as portas

atoparaste co baleiro da túa inquedante presencia.

Un cuarto ó que accedes dende dentro;

dende o interior baleiro desa casa na que habitas.

As portas están fechadas,

pero é máis doado entrar

dende o que compartes co exterior.

Unha dúbida.

A claustrofobia que nos permite respirar.

Dende dentro alomenos

sentimos que hai alguen fóra.

Algo que perder, algo ó que darlle un nome.

Desa casa partiremos algún día.

O vello cuarto ficará baleiro.

E haberá quen non entenda

de qué lado te atoparon.