Os Paseos literarios son unha iniciativa da AELG que pretende dar a coñecer as cidades e vilas do país da man das nosas escritoras e escritores, que exercen de guías tomando como base obras propias ou alleas vinculadas a eses espazos. Deste xeito, posibilítase que a cidadanía poida gozar persoalmente dos espazos físicos na súa relación coa memoria literaria.

En 2024, a AELG continúa promovendo a elaboración textual dun Paseo literario que se desenvolveu anteriormente na provincia da Coruña, permitindo que todas aquelas persoas que non puideron estar presentes no paseo físico poidan acceder libremente ao traballo realizado pola autora.

O Paseo recollido neste desenvolvemento da iniciativa orixinal é o seguinte:

- Roteiro Luísa Villalta. A cidade: límite exterior das obsesións, de María Casar, presidenta da A. C. Ergueitas.