Esta actividade enfócase como continuación dos Cursos de Formación. Os camiños nas narrativas literarias e artísticas da Literatura Infantil e Xuvenil, que neste 2021, debido á situación derivada da pandemia pola Covid-19, non se puido levar a cabo no seu formato habitual, ao igual que en 2020.

Están orientadas á formación do futuro profesorado de Educación Infantil e Primaria, e a todo tipo de mediador/a, no seu quefacer profesional no marco de ámbitos básicos como son a formación artístico-literaria e a comprensión e expresión escrita e lectora.

Tiveron lugar dous encontros con Antonio García Teijeiro baixo o título A poesía ten que quedarse a vivir nas aulas.

O primeiro deles foi o luns 8 de novembro, entre as 12:30 e as 14:00 horas, na Aula 1 da Facultade de Ciencias da Educación da Universidade de Santiago de Compostela.

O segundo tivo lugar o 9 de novembro, entre as 19:00 e as 20:30 horas, no mesmo emprazamento.

As dúas actividades foron presentadas por Marta Neira Rodríguez.