18:00-18:45 Obradoiro de paraugas pintados

(No adro do Museo de Belas Artes da Coruña)

Xuntarémonos para decorar paraugas con motivos mariños e lugrisáns cos que logo percorreremos as rúas coruñesas.

 

19:00-19:45 A arribada do mural

(No Museo de Belas Artes da Coruña)

Recepción poética do mural de Urbano Lugrís "Vista da Coruñá 1830, de Urbano Lugrís", que o Museo de Belas Artes exhibirá por vez primeira ao público ese día para solaz de todas e todos nós.

 

20:00-21:00 Manifestación atlántica e surreal

(Museo de Belas Artes - Praza José Sellier)

Cos paraugas decorados abertos e desde o Museo de Belas Artes da Coruña a praza Sellier (Rúa Real, Obelisco, Cantóns. Rúa Estrela, Rúa Manteleria, Rúa Santo André e Praza Sellier) percorrendo algúns dos lugares da vida do gran artista do mar, visitando os murais que se conservan e o grafiti que fai un ano fixo Outón na rúa Manteleria.

 

21:00-22:00 A habitación do vello mariño

(Praza José Sellier)

Recital artísitico na memoria do Noso Señor Lugrís.

 

Convídase a todas as persoas a participar en calquera ou todos os actos organizados para ese día. 

 

Acudan cos seus paraugas, pinturas, buguinas, vieiras e o espíritu morno e mítico da obra de Urbano Lugrís.

 

Medre o mar!