A AELG preparou a edición dun libro homenaxe a Ánxel Casal en lembranza da vida e da obra de quen defendeu, desde a súa propia peripecia vital e desde a súa responsabilidade como alcalde republicano de Compostela, os valores demócratas e nacionalistas.
Neste libro, dispoñíbel para socios e socias da AELG a partir do 30 de setembro, colaboran máis de corenta escritores e escritoras que queren, coa súa palabra impresa, homenaxear a quen pagou coa súa vida a defensa duns valores radicalmente opostos á ditadura fascista que lle impediu vivir, ao igual que tantos outros, en liberdade.

Vexa aquí o libro.