A Asociación de Escritores en Lingua Galega (AELG), propuxo para este outono o ciclo de Conferencias "Escritoræs na Universidade", cuxo acto inaugural contou coa presenza do Excelentísimo Reitor da Universidade da Coruña, Sr. D. José María Barja Pérez, coa Secretaria Xeral de Política Lingüística, Dona Mª Sol López Martínez, e do Presidente da Aelg, Sr. D. Cesáreo Sánchez Iglesias.  A seguir, deuse comezo a conferencia, que impartiu a escritora Dona Luz Pozo Garza. Foi no Salón de Graos da Facultade de Filoloxía da Universidade da Coruña, o mércores 18 de outubro de 2006, ás 12:30.

Este ciclo de conferencias tivo continuación coa presenza de Manuel Riveiro Loureiro (25 de outubro),  Xosé Neira Vilas (8 de novembro), e con Bernardino Graña (15 de novembro), Manuel Álvarez Torneiro (22 de novembro) e Mª do Carme Kruckenberg (29 de novembro), todas no mesmo lugar e hora.
   
A Asociación de Escritores en Lingua Galega e a S. X. de Política Lingüística, en colaboración coa Facultade de Filoloxía, achegan así á Comunidade da Universidade da Coruña, e á sociedade en xeral, a oportunidade de escoitar unha extraordinaria pléiade de escritores e escritoras das nosas letras.