Actividade da AELG

Xornada de Literatura e Cinema: Unha literatura en imaxes

28 de novembro de 2015

Co patrocinio da Concellaría de Cultura do Concello da Coruña

Programa

9.30 Recepción, entrega de material e inauguración

Esta foi a intervención do presidente da AELG, Cesáreo Sánchez Iglesias.

10.00–12.00 Literamas, a literatura galega no cinema (conferencia)

Manolo González

Interaccións entre a literatura galega e o cinema e algunhas aplicacións para a aula

12.00–13.00 A cicatriz branca. O corpo da fala (mesa redonda)

Margarida Ledo Andión e Eva Veiga

As pasaxes entre o texto escrito, a imaxe e o imaxinario.

Atopar o "seu lugar no mundo" como proceso de apropiación do propio corpo, mesmo do corpo da fala: a viaxe, no mellor dos casos, de tantas mulleres forzosamente transterradas.

13.00–14.00 Poesía e Vídeo con/sen cámara. A experiencia da intención (obradoiro)

Antía Otero

Presentarase a experiencia de idear unha peza de videopoesía máis aló do seu soporte técnico. A intención é a de pararse a analizar a relación entre palabra e imaxe no proceso de creación sen perseguir un resultado físico. Un convite a editar contando.

16.00–18.00 De palabra a píxel. Introdución á videopoesía (obradoiro)

Celia Parra

Unha fiestra para coñecermos as particularidades deste xénero entre o poético e o audiovisual. Exploraremos definicións, tipoloxía, creadoras e creadores referenciais, exemplos de videopoemas, videopoesía en Galicia e recursos na rede para aplicar nas aulas.

18.00–20.00 Ao redor do Proxecto Nimbos (conferencia)

Martin Pawley

O Proxecto NIMBOS é unha serie de curtas realizadas por diversos cineastas ‑non só de Galiza- inspirados en poemas do libro Nimbos de Xosé María Díaz Castro (1914-1990). A iniciativa foi impulsada dende o blog Acto de Primavera [actodeprimavera.blogspot.com.es] e na actualidade conta xa con perto de trinta pezas, varias das cales foron exhibidas en festivais internacionais de cinema.

Obxectivos

Achegar a vinculación histórica da literatura coa súa proxección a través da imaxe.
Afondar nas relacións interdisciplinares das diferentes artes.
Ofrecer pautas de metodoloxía didáctica interactiva a redor da experiencia poética.
Experimentar novos soportes técnicos vinculados á lectura.
Analizar a relación entre palabra e imaxe no proceso de creación.

Metodoloxía

Alternarase a intervención teórica das participantes coa proxección parcial de filmes e curtas vinculadas coa literatura galega.
Promoverase o coloquio e a participación activa a través dos coloquios e dos obradoiros vinculados á creación da videopoesía.