Pode descargar aquí o programa en .pdf

Está aberto o prazo de matrícula para as I Xornadas de Literatura e Ensino, organizadas pola AELG e que terán lugar os días 18 e 19 de novembro de 2011 no Auditorio da Biblioteca da Cidade da Cultura de Galicia (Monte Gaiás) co lema “A literatura galega nas aulas. Os camiños do entusiasmo”.

A asistencia é libre. 

Para o colectivo docente non universitario e futuros ensinantes do ensino non universitario está solicitada a homologación ante a Consellaría de Educación por 10 horas, e a matrícula é preferente para socios/as da AELG e da AS-PG (por orde de inscrición). Para as persoas que nunca traballaran como docentes en centros públicos ou concertados da Consellería de Educación resérvanse o 25% das prazas.

A matrícula, gratuíta, debe facerse desde hoxe até o 15 de novembro de 2011 exclusivamente a través da web:

http://www.as-pg.com/Xestion/Curso/EncontrarCursos.do?identifierType=CURSO_ID&identifier=332

Anexamos o programa.

 Obxectivos previstos: 

• Reflexionar sobre a necesaria revisión e actualizar da transmisión didáctica da literatura no ensino obrigatorio e posobrigatorio.
• Valorar a literatura galega, a través da súa historia, como unha ferramenta clave para a adquisición da necesaria competencia lingüística adaptada a cada nivel/etapa educativa.
• Adecuar a diversidade metodolóxica literaria aos novos tempos educativos.
• Achegarse aos contidos didácticos e interactivos que as TIC ofrecen para o profesorado.
• Coñecer o Espazo Didáctico que a AELG ofrece aos profesionais do ensino, en particular, e á sociedade, en xeral.
• Reflexionar sobre os criterios de selección e o estabelecemento de canons literarios orientativos para o ensino da literatura.
• Concienciarse da necesidade de estimular creativamente, na escrita, o alumnado.
• Coñecer e analizar as estratexias de sedución que faciliten a descuberta e o achegamento á literatura por parte do público infanto-xuvenil.
• Partillar e debater directamente sobre orientacións e estratexias de achegamento literario para a infancia e mocidade xunto con escritores e escritoras da literatura galega.

Contidos: 

18 DE NOVEMBRO 

16:30 Conferencia inaugural: Que vén sendo iso de ensinar literatura? Instrucións de uso para docentes nos biosbardos, por Xosé Miranda.

 17:30 Mesa redonda: A  literatura galega nas aulas do século XXI: estratexias de sedución

Participan:

• Antón Riveiro Coello
• Xavier Seoane
• Pilar Ponte Patiño

Coordina: Mercedes Queixas Zas

 19:00 Presentación do Espazo didáctico virtual da AELG, por Mercedes Queixas Zas

19 DE NOVEMBRO

 10:30 Mesa redonda: A literatura infantil e xuvenil en Galicia: tópicos, prexuízos e puntos de fuga

Participan:

• Pilar Sampedro
• Manuel Lourenzo González
• Fran Alonso

Coordina: Armando Requeixo

 12:00-12:30: Pausa-café

 12:30 Mesa redonda: Itinerarios lectores durante a adolescencia: criterios de selección

Participan:

• Ramón Nicolás
• Marilar Aleixandre
• Xabier P. Docampo

Coordina: Marcos Sánchez Calveiro

 16:30 Mesa redonda: Os “irmáns pequenos” no universo da aula: a  poesía, o teatro e a literatura de tradición oral

Participan:

• Antonio García Teijeiro (poesía)
• Teresa González Costa (teatro)
• Antonio Reigosa (literatura oral)

Coordina: Carlos Negro

 18:00 Mesa redonda: A escola e as outras literaturas: álbum ilustrado, novela gráfica e banda deseñada

Participan:

• Gracia Santorum
• Ánxeles Abelleira
• Jacobo Fernández Serrano

Coordina: Francisco Castro