Amigos do “Movimento de Apoio ao Teatro do Sol”, sempre a mesma leria, parece que incomoda que a xente pense e consiga arte en calquera das súas manifestacións, que lles fai a cultura para molestar tanto? Ainda que desde moi lonxe, desde a terra irmá dos galegos, síntome próximo a “voçês” e quero que saiban, gaúchos, que teñen o meu APOIO incondicional. O mundo nace todos os días, iso sábeo até o máis cativo dos pobos, pero se cadra -con independencia de hemisferios e paralelos- esquecemos que non convén sementar de sal o futuro. A estas alturas alguén ignora que cegar o sol é matar a vida?

Xosé Luís Martínez Pereiro,
Escritor e humorista gráfico da Galiza.

Escrito de apoio ao Teatro do Sol, mobilización do 3 de decembro de 2005, Praia do Cassino, fronte ao cine Dunas. Rio Grande, Estado de Rio Grande do Sul, Brasil.
Os coordenadores do “Movimento de Apoio ao Teatro do Sol” foron os actores Mauricio de Leon e Cid Tropeço, os “cartunistas” Alisson Affonso e Wagner Passos, os poetas Angelo Vigo e Mozart Gravi, as produtoras culturais Cristiane Neves e Regina Bastos e o músico Carlos Garcia.