O CARRUSEL
 

Xira e xira sen parar
cabaliño de madeira,
cabaliño de colores
  ¡ non te perdas !

Volta e volta sen cesar
cabaliño de colores
sobe e baixa
  ¡ vaia xeira !

Trota e trota, cabaliño
polas nubes
ata as estrelas
  ¡ corre, voa !

Xira e xira
volta e volta
trota e trota.

Que hoxe hai festa
que hoxe é feira.
          
 

O  PAPAVENTOS

Colgado dun fío invisible
pairando nas ás do vento
confía o seu alto destino
nas mans inocentes dun neno.

Turrando por voar libre
coa sedela que o ata á terra
o seu corpo de cores, lixeiro,
debuxa no aire piruetas.

Se non sente o vento na pel
maréase e perde o sentido
cae en picado, rompendo
un soño colgado dun fío.