Teoría do coñecemento -
6.
Vaqueiro, Vítor
v2vitorvaqueiroteoriaconecemento002.html
| 6 |
Igual que os
peixes planos (Pleuronéctidos nos manuais de
emprego corriqueiro) aran infrutuosos as areas do fundo;
igual que os peixes planos (Pleuronéctidos:
navegan de costado) pescudan e analisan, desnortados,
atónitos, miméticos, os milleiros de anos que mudaron o
primixenio gas incandescente en molécula de auga
aterecida, así pesquisa o amante (o amante do Corpo e da
Palabra: o amante do Corpo da Palabra) (igual que os
peixes planos) (sen distinción de sexo) os corpos dos
amantes (da Palabra) e as subrepticias terras nas que a
Palabra encobre a súa presenza. |
